telbana4all
السلام عليكم ورحمة الله
اهلا ومرحبا بك فى منتدى تلبانة للجميع
اذا كنت مشتركا بالمنتدى الرجاء ادخال بياناتك
والتعريف عن نفسك
اما اذا كنت زائرا فندعوك للأنضمام الى اسرة منتدانا

(ادارة المنتدى)



telbana4all


 
الرئيسيةالبوابةاليوميةس .و .جبحـثالأعضاءالمجموعاتتلبانه للجميع على الفيس بوكالتسجيلدخول

شاطر | 
 

 تعظيم سلام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
salah
عضو متقدم
عضو متقدم
avatar

تاريخ التسجيل : 07/03/2011
عدد المساهمات : 989
التقييم : 10
الأوسمة : :

مُساهمةموضوع: تعظيم سلام   الثلاثاء أغسطس 16, 2011 1:51 pm

تعظيم سلام

تعظيم سلام لمصر ست الكون
ارواحنا عاشقة ترابه فين مانكون
كامل كياننا بعشقها مسكون
وهي مهد العش والعشاق
............
تعظيم سلام لكل بيت فيكي
ولكل حصن حانون مدفيكي
ياما قولت من احساسي ح انفيكي
لكن بارجع احنلك واشتاق
................
تعظيم سلام والجيرة والعشرة
دهب وماس برلنت مش قشرة
وشوش بريئة لاخاينة ولاكشرة
قرب وخدلك درس في الاخلاق
....................
تعظيم سلام للي حما عيلتي
وف غيبتي عن وطني سندميلتي
وانا برة مصر لقيته ضليلتي
وعيالي وعياله ف حضنه سواء
.........................
تعظيم سلام لقلوب بشر صادقة
قالوا نموت وتعيش ماهش فارقة
لكن ح نحمي بكرة م السرقة
وما فيش فروق لا في دين ولا ف اسماء
..............
تعظيم سلام لكنيسة مع جامع
ولكل حارة وناصية مع شارع
هما اللي جابوا فجرك الطالع
توأم ف لون الدم والاشلاء
.................
تعظيم سلام يا امي يا بهية
تلاتين سنة بيجربوا فيا
واما طالبت بعيش وحرية
عايزيني ارجع عتمة الانفاق
.................
تعظيم سلام لحفيد واب وجد
ماخافش لكن قام وخدها بجد
مين اللي قال الثورة ملك لحد
غير الطرامة مفيش امل ورجاء
................
تعظيم سلام يا بنت مصرية
قلتي لحبيبك مهري حرية
سندي واماني ف دنيتي الجاية
علشان ولادنا يشوفوا خير ورخاء
..................
تعظيم سلام لكيبورد مع شاشة
فضحت نوايا خاينة غشاشة
وقلوب مريضة حاسة بهشاشة
سارقة عرقنا وهي اصل اداء
............
تعظيم سلام لبنات مع صبيان
من غير رصاص ولا آلي ولا عصيان
طلعوا المظاهرة يرفضوا الطغيان
ويقولوا للظلم الطويل إلغاء
..................
تعظيم سلام لحشود بتزرع ضي
طلعت تقابل فجر بكرة الجي
وماهمهاش ضرب الرصاص الحي
مارد غضب حطم قيودة وفاق
.............
تعظيم سلام لشباب جمعها مصير
زوق هتافها ميت ميدان تحرير
هانت خلاص وماعادش باقي كتير
بقي صعب تاني نتحكم بغباء
..........
تعظيم سلام يامصر يا معاندة
مالناش ميول سياسة واجندة
ولا لنا شوق نعمل بروباجندا
وماتسمحيش لعبدة بية مشتاق
...................
تعظيم لحر ما عامش مع موجة
ما سرقش حلم ف معمة وهوجة
ولا قال كلامة بنية معوجة
عشان يبان في نشرة الانباء
................
تعظيم سلام للي رفع راسنا
علشان ف وقت الشدة يحرسنا
ولاميت نظام تاني هيخرسنا
بدراعنا نحميها من الغوغاء
..............
تعظيم سلام يا لجان يا شعبية
قولوا للجبان اللي خلا بيا
ما احناش عيال هايفة وسلبية
مصر الحضارة تصد أي بلاء
.................
تعظيم سلام للي وقف راجل
بعد اما جالة بيان هروب عاجل
قال لو كرامتي هبيعها بالآجل
أية فايدة إني اكون من الاحياء
...................
تعظيم سلام ياساحة التحرير
اسفلت ارضك كان دفا وحرير
ومها تاني رجعت انام في السرير
مش حانسي واحد مرة بات في خلاء
.................
تعظيم سلام يامصر
تعظيم سلام
.............
اشرف الشافعي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هدوء العاصفة
مشرف قسم ارشيف ثورتنا
مشرف قسم ارشيف ثورتنا
avatar

تاريخ التسجيل : 07/03/2011
عدد المساهمات : 1757
الجنس : ذكر
التقييم : 12
العمر : 32

مُساهمةموضوع: رد: تعظيم سلام   الثلاثاء أغسطس 16, 2011 3:13 pm

تعظيم سلام لك يا عم صلاح

وتعظيم لكل عاشق للأرض الكنانه

وتعظيم لمن احب تلك البلاد

والله بحبك وبحب اهلك وبحب اى حد حبك

وحشتينى ... ونفسى ارتاح بين ايديكى

تضمينى تعصرينى مش هتفرق معايا

المهم اكون بين احضانك وبين ايديكى

تعظيم سلام لكل عاشق للأرض الكنانه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mo7med
عضو مميز
عضو مميز


الموقع المحطه
تاريخ التسجيل : 19/07/2011
عدد المساهمات : 156
الجنس : ذكر
التقييم : 2
العمر : 25

مُساهمةموضوع: رد: تعظيم سلام   الثلاثاء أغسطس 16, 2011 4:07 pm




تعظيم سلام يامصر يا ام الحريه

تعظيم سلام للى وقف فى الميدان

وقال بصوت عالى انا بحب الحريه


جزاك الله كل خير ورزقك الحريه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
salah
عضو متقدم
عضو متقدم
avatar

تاريخ التسجيل : 07/03/2011
عدد المساهمات : 989
التقييم : 10
الأوسمة : :

مُساهمةموضوع: رد: تعظيم سلام   الأربعاء أغسطس 17, 2011 7:14 pm

شكرا ...... اخي هدوء علي مرورك الطيب .......... وتعليقك الرائع جدااااااااااااااااا
شكرا ........ يادكتور علي المرور ..........والتعليق الجميل
وجزاكم الله خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعظيم سلام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
telbana4all :: القسم الأدبى :: شعراء وادباء-
انتقل الى: