telbana4all
السلام عليكم ورحمة الله
اهلا ومرحبا بك فى منتدى تلبانة للجميع
اذا كنت مشتركا بالمنتدى الرجاء ادخال بياناتك
والتعريف عن نفسك
اما اذا كنت زائرا فندعوك للأنضمام الى اسرة منتدانا

(ادارة المنتدى)



telbana4all


 
الرئيسيةالبوابةاليوميةس .و .جبحـثالأعضاءالمجموعاتتلبانه للجميع على الفيس بوكالتسجيلدخول

شاطر | 
 

 ماما يا امى يا ماماتى

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
sahm2010
مشرف قسم نورتونا
مشرف قسم نورتونا


تاريخ التسجيل : 07/03/2011
عدد المساهمات : 80
التقييم : 3

مُساهمةموضوع: ماما يا امى يا ماماتى    الثلاثاء أبريل 26, 2011 5:56 am

تذكير بمساهمة فاتح الموضوع :

السلام عليكم ورحمه الله وبركاته



عـــــــــــــــــــــــــــــــــــــــــــــــــــــدنـــــــــــــــــــــــــــــــــــــــــــــــــا




ونظرا لكترت الطلبات والرسائل الوارده على الايميل ونظرا لتلبيه الطلب بعمل موضوع جديد


سنقدم لكم اليوم الموضوع


ماما ياامى يا ماماتى




فهل من مشاركين


<br>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو

كاتب الموضوعرسالة
لؤلؤة فى الجنة
عروسة المنتدى
عروسة المنتدى


تاريخ التسجيل : 07/03/2011
عدد المساهمات : 963

مُساهمةموضوع: رد: ماما يا امى يا ماماتى    الأربعاء مايو 04, 2011 9:39 am

هههههههه

ربنا يخليكى ليا يارب يا أمى يا حبيبتى يا قمر
ربنا يعزك يارب وموش يحرمك منى ابدا
هههههههه

ويخليلى اخواتى الحلوين .. البنات والبنين

انا أصلا أصلا من غيرهم ولا اى حاجة

وربنا يعلم انا أد بحبهم وبقدرهم وبحترمهم

ههههههه امى يا أمى .. شكل العريس غرق بجد المرة دى وموش لقى حد ينقذه خالص
يا حرام
يالا خير .. ربنا يعوضنى باللى أحسن منه ويعوضه با اللى أفضل منى
يارب

تسلميلى يا أمى
ها يامامتى .. تأمرينى بحاجة؟
أنا هادخل شوية مع بليتة ألوانى ... علشان بجد بجد وحشانى
ووقت العشا يا أمى نادينى أجهزه
سلام عليكم بقى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الورده البيضا
عضو مميز
عضو مميز
avatar

تاريخ التسجيل : 15/03/2011
عدد المساهمات : 270
الجنس : انثى
التقييم : 1
العمر : 34
الأوسمة : :

مُساهمةموضوع: رد: ماما يا امى يا ماماتى    الخميس مايو 05, 2011 4:08 am

يااااااااااه يافراشتى كل دى أسئله
هو انا مقدم على تأشيرة أمريكا ومش واخد بالى
بس بردو برافو عليكى شكلك هتخلينى أغير رأيى فى بنات تلبانه
وطريقة تفكيرهم مكنتش فاكر ان فيها بنات عاقلين كدا
على فكرة أنا غرقت صحيح بس مش ف عرقى زى مانتى فاكره
انا غرقت ف حبك يافراشتى " لا مؤاخذه ياجماعه حب برىء "
ومش هسيبك ابدا وراكى وراكى
لحد اما توافقى هو انا هلاقى فين أدب وعقل بالشكل دا
هى صحيح الأسئله كتييير وصعبه ومفيش وسائل مساعده
بس مش مشكله أجاوبها عشان خاطرك

أولا .. فى البداية كدة .. حضرتك اخترتنى بناء على ايه؟؟ ولم انا خصيصا؟
اخترتك عالسمعه الطيبه يافراشتى ومتنسيش اننا جيران وامى بتشوفك كل يوم
وانتى رايحه الجامعه وشكرتلى فيكى كتير قالتلى مؤدبه وبتمشى ف حالها
ومن البيت للجامعه وم الجامعه للبيت
كم تبلغ دينا وكم تبلغ خلقا ؟
قوليلى أقيس الكميه دى ازاى وانا تحت أمرك بالكيلو ولا بالمتر ولا ازاى يعنى

هل أنت بار بوالديك ؟؟ وهل ستكون بارا بأمى إذا اذن الله بهذه الزيجة؟
لا من الناحيه دى اطمنى انا ماليش بركه الا امى وابويا وامك كمان ياستى ف عنيا
ورحلة الحج لسه تحت امرها

حضرتك بتشرب سجاير؟
لاااااااااااااااااا سجاير ايه أستغفر الله العظيم
انا بتاع الحاجات دى بردو هى شيشه تفاح ......وبس

ماذا عن علاقاتك بأهلك وجيرانك واخلائك؟
وثـيقــه بعون الله

هل أنت تصل رحمك؟
رحم أيه يا أبله يرحمك ربنا انا راجل ماعنديش رحم
الرحم دا بيبقى عند الستات امال هم بيولدو ازاى
أيه يا ابله مختيهاش دى فى المدارس!!!
امال راحه الجامعه جايه م الجامعه
مش عارفه الرحم... والاسم متعلمه!!!

هل أنت صادق فى معاملاتك؟
معاملات ايه بس هو انا قلتلك انى صاحب شركه ولا بضارب فى البورصه
ماتصحصحى امال يافراشتى

الدين المعاملة ؟؟؟ ماذا تعنى لك هذه الجمله؟
طب أجلى السؤال دا شوية على ماتصل بالأستاذ الغريب مدرس العربى
اصل مستوايا فيه مخستك حبتين

اه صحيح .. وقبل كل هذا .. هل انت مواظب على اداء الفرائض؟
خلينا فى الفرائض الأول؟
الفرائض ؟؟؟ استنى كدا!! .. دى ف العلوم ولا الدراسات؟؟؟!!
معلشى انا أصلى خلصت دراسه من سنين ونسيت كل ال خته
حد فيكو معاه برشام ياولاد!!!!!

كيف ستعاملنى ان شاء الله اذا اصبحت زوجا لى ؟؟
أيوه كدا هى دى الأسئله السهله
شوفى ياستى انتى بس وافقى وانا هشيلك ف عنيا وهجبلك كل ال نفسك فيه
مش هحرمك من حاجه أبدا دانا طيب وابن حلال ومؤدب أوى ولطيف
ولا زوج ولا عندى عيال ولا حتى ورايا مصاريف
وليكى عليا فسح وخروج ومصايف زى مانتى عاوزه
الخير كتير والحمد لله متشيليش هم أبدا
 

كيف ستاعمل اولادك إذا اذن الله بذلك؟
من الناحية دى اطمنى انا بحب العيال ليكى عليا العب معاهم لحد مايزهقو

حضرتك حافظ قرآن ؟؟ طيب بلاش حافظ.. حضرتك بتقرأ قرآن كل اد ايه؟
ودى عاوزه كلام يا أبله دا كتاب ربنا إزاى ماقراهوش بقراه طبعا
كل أد أيه؟؟؟ أهى دى بقى محسبتهاش بس ليكى عليا
أمسك الساعه بعد كدا واحسبهالك بالظبط
انا ليه بركه الا انتى يافراشتى
محافظ على الأذكار؟
طبعا يا ابله دانا حافظها صم مش دى ال كات مكتوبة على ضهر الكراريس زمان
وعلى ضهر كتاب الوزاره بتاعة اغسل يديك قبل الأكل وبعده
وحافظ على نظافة مدينتك والكلام دا
لا متقلقيش حافظهم كويس دانا واد شاطر واعجبك اوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الورده البيضا
عضو مميز
عضو مميز
avatar

تاريخ التسجيل : 15/03/2011
عدد المساهمات : 270
الجنس : انثى
التقييم : 1
العمر : 34
الأوسمة : :

مُساهمةموضوع: رد: ماما يا امى يا ماماتى    الخميس مايو 05, 2011 4:10 am

خلاص يافراشتى مليت الإستماره وحليت كل الأسئله
يارب ترضى عنى بقى
أيه رأيك بقى تيجى أعزمك على الغدا فى كنتاكى
ولا هتقوليلى يصح بقى وميصحش والكلام الفاضى ده
أقولك هاتى حد من اخواتك معانا وأمرى لله
بس الله يسترك بلاش اخوكى عبقرينو أحسن حاسس كدا انه مش بالعنى
وهيغلس علينا .. شوفى حد غيره
وانا هغديكى وافسحك وبالمره اسمعك الأغنيه ال ألفتهالك مخصوص
أصل انا واد رومانسى خالص واعجبك
وهكتبلك الأغنيه كمان يالا مش خساره فيكى:


يافراشة البيت ياحلوة
لعنيكى كتبت غنوة
تعالى ياحلوه يالا
نتمشى شوية برا
وهجبلك ورده بلدى
من عند عطيه فندى
وفوقيها ياحلوه تاخدى
عباية وطرحه سمرا


سلام بقى يافراشة قلبى
أه صحيح متقفليش الباب يافراشتى عشان هجيلكم تانى
*********
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الورده البيضا
عضو مميز
عضو مميز
avatar

تاريخ التسجيل : 15/03/2011
عدد المساهمات : 270
الجنس : انثى
التقييم : 1
العمر : 34
الأوسمة : :

مُساهمةموضوع: رد: ماما يا امى يا ماماتى    الخميس مايو 05, 2011 4:21 am

أيه دا ياعم هدوء مين ال قاعد فى الصالون بتاعكو ده
انتو عندكو ضيوف ولا ايه؟؟
بتقول اسمه ايه؟؟
عادل رمضان أه ودا يقربلكو أيه انشاء الله!!!
يجعله عامر بالحبايب يام هدوء
إزيك ياعم عادل مالك ياعم داخل دخله جامده كدا
هو انت بالصلاتو عالنبى كدا مسمعتش المثل ال بيقول
يابخت من وفق راسين فى الحلال
متقول كلمة حلوه ياعم وتخليك محضر خير امال
وبعدين انا لانا تيس ولا انا قرد زى مابتقول
دانا واد حليوه ومسمسم والناس بيقولولى انى شبه عمر دياب بالظبط

انت باين عليك كدا م الجماعه المسقفين
ال بيقرو الجرايد دول ويتكلمو ف كل حاجه
تخصهم او حتى متخصهمش
قولى بس الحاله دى عندك من ايمته؟؟
لا حول ولا قوة الا بالله وساكت على نفسك ليه طول المده دى
بس متقلقش ياعم عادل حاجتك مقضيه بعون الله
هديك عنوان واحد هيساعدك تحل مشاكلك دى كلها
وهيفهمك الدنيا ماشية ازاى وينسيك كلمتين الإنشا
ال انت حافظهم دول
بص ياسيدى انت تطلع من هنا علطول هتلاقى حاره اسمها القسم الأدبى
ف تلبانه طبعا مش الأخ من تلبانه بردو!!!
تدخل حاره القسم الأدبى وبعدين تدخل شارع الروايات الطويله
واسأل على بيت " إيطاليا أو الغرق"
خبط عالباب هتفتحلك صاحبة البيت ست كويسه خالص وكريمه
إسمها ديموقراطيه وهتوريك أوضة فتحى وعليوه ال انت طلعت متعرفهومش
انت بس تقعد مع أخينا فتحى شوية ومشاكلك هتتحل بإذن الله
وتفهم الدنيا صح
بس اوعى تتوه وانت رايح ماتوصله ياعم هدوء
ولا أقولك استنى استنى....
اركب فى التوك توك ال وقفتهولك دا وهو هيوصلك علطول
http://telbana4all.ibda3.org/t3-topic

أه بالمناسبه..... انا حاسبته خلاص متدفعش
اصل انا عارفكو يامسقفين انتو الواحد ياخد منكو كلام وبس
لكن يدور فى جيوبكو ميلاقيش ولا مليم
يالا بالسلامه .. وبقولك أيه متجيش الا لما تخف خااالص
وتتعالج عشان متعديش الجماعه هنا


استنى كدا هقولك كلمة ف ودنك
بقولك ايه خد العشرين جنيه دى ومتجيش هنا تانى
طريقك أخضر بالسلامه




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل رمضان
عضو مميز
عضو مميز


الموقع تلبانة
تاريخ التسجيل : 26/04/2011
عدد المساهمات : 89
الجنس : ذكر
التقييم : 0
العمر : 29

مُساهمةموضوع: رد: ماما يا امى يا ماماتى    الخميس مايو 05, 2011 4:35 am

للاسف ياخ مسعود ابو السعود انت مبتتعلمش ابدا لانك بجد قليل الذوق بس عايز اسال حضرتك سؤال؟
لو اختك هى اللى متقدمله واحدكانت اجابته زى مانت اجبت كده بالضبط هتوافق؟
دا انت لعندك ادب ولا دين ولااخلاق خالص
نصيحة منى شفلك حد تانى لان الى انا ملحظه ان مفيش حد طيقك فى المنتدى كله
سلالالالالالالالالالالام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام يوسف
مشرف قسم فكر و رأى
مشرف قسم فكر و رأى
avatar

الموقع فى الدنيا
تاريخ التسجيل : 07/03/2011
عدد المساهمات : 820
الجنس : انثى
التقييم : 8
العمر : 32
الأوسمة : :

مُساهمةموضوع: رد: ماما يا امى يا ماماتى    الخميس مايو 05, 2011 4:48 am

صلوا ع النبى ياجماعه مش هنبتديها كدا اهدوا شويه

ماتقولى حاجه يا مامتشى الناس هتقطع بعضها ع الفراشه


وانت يا هدوء ماتتدخل بين الناس دى وسمعلهم اغنيه الصلح خير وبنتصالح


كفايه المقطع دا انا عارفه ان مالكش ف الاغانى .

وانتى فين يا حكيمه وراكى جلسه صلح تانيه ولا ايه ؟؟؟


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الورده البيضا
عضو مميز
عضو مميز
avatar

تاريخ التسجيل : 15/03/2011
عدد المساهمات : 270
الجنس : انثى
التقييم : 1
العمر : 34
الأوسمة : :

مُساهمةموضوع: رد: ماما يا امى يا ماماتى    الخميس مايو 05, 2011 5:07 am

كدا بردو ياحماتى يبقى انا طول النهار امبارح
بجرى فى المنصوره عشان أجيبلك تأشيرة الحج وانتى هنا
قاعده تقطعى فى فروتى وتوزى الفراشه عليا
وانا ال كت جايبلك طبق حلويات معايا من احمد امين

لا ياحماتى ملكيش حق شكلك هتزعلينى منك
عموما هسامحك بس عشان خاطر فراشتى

وبعدين ينفع تسيبى ضيوفك يبهدلونى كدا
دانا بردو ضيفكم وداخل البيت من بابه


يصلحالك ياعفروتو انتى أحسن واحده فى البيت دا
الا متعرفيش الاخ عادل دا ماله محموق كدا ليه
قوليله انه بس حظه وحش معايا عشان قابلنى فى بيت أم هدوء
بس مسيره يقابلنى فى المنتدى فى اى مكان تانى واعمل
معاه أحلى واجب دا بردو ضيفنا وعلى راسنا
يعنى ياعم عادل روق شوية انا مفيش بينى وبينك حاجه شخصيه خالص
يعنى برا بيت ام هدوء هنبقى صحاب وتمام التمام متزعلش نفسك خالص

انتى فين ياحكيمة الزمان لسه نايمه ولا أيه
متقولى حاجه للناس دى انا ماليش أى مناصر فى البيت دا ولا أيه
هى عفروتو العسل بس ال كلامها حلو ربنا يصلح حالها
وانا بردو مش هنسالها وقفتها جمبى وليها عندى هديه روووعة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل رمضان
عضو مميز
عضو مميز


الموقع تلبانة
تاريخ التسجيل : 26/04/2011
عدد المساهمات : 89
الجنس : ذكر
التقييم : 0
العمر : 29

مُساهمةموضوع: رد: ماما يا امى يا ماماتى    الخميس مايو 05, 2011 5:14 am

يعم سعود انا لاقلت انك تيس ولاحاجة اكيد انت اللى فهمتنى غلط
بس هقولك على حاجةلانك غلط فى الجماعة المثقفين اولا يسيدى شكرا على توصيلة التوكتوك
السواق يسيدى مرداش يخد الاجرة قالى الكبيربتاعنى موصينى اوصلك والحساب مدفوع مقدم
قلتله يبختك بالكبير .
بس الانسان بقيمته الفنية والثقافية وده الفرق بينك وبين الجماعة المثقفين انت يدوب زى مانت كتبت دبلون صنايع (على فكرة هى دبلوم)وليست دبلون زى مانت كتبت.
فى مقوله جميله اوى بتقول (الشيئ ليس بقيمته المادية ولكن بقيمته المعنويه)يعنى مثلا فى انسانه حينما تهديها بهديةجميلة متواضعة لهى غالية الثمن ولا الاخرى ولكنها متوسطة تكون عندها احسن من مال الدنيا ممكن يكون كلامى مش عجبك وان دلوقتى كله دهب حتى الهدايا عندكم بقت دهب.
بس هقولك على حاجة انت ممكن تكون متعرفنيش انت مبتعرفش تعامل الجنس الناعم مش عايزين
نطلع عن الموضوع.
مش هقدر اقولك اكتر من كده وبقولهالك تانى خيركم من عرف قدر نفسه
سلالالالالالالام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل رمضان
عضو مميز
عضو مميز


الموقع تلبانة
تاريخ التسجيل : 26/04/2011
عدد المساهمات : 89
الجنس : ذكر
التقييم : 0
العمر : 29

مُساهمةموضوع: رد: ماما يا امى يا ماماتى    الخميس مايو 05, 2011 6:58 am

عجبكم يعنى يام يوسف الكلام اللى بيقوله ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ديموقراطية
وسام االإشراف
وسام االإشراف
avatar

الموقع مش هتفرق
تاريخ التسجيل : 07/03/2011
عدد المساهمات : 2228
الجنس : انثى
التقييم : 12
العمر : 38
الأوسمة : :

مُساهمةموضوع: رد: ماما يا امى يا ماماتى    الخميس مايو 05, 2011 7:39 am

حلويااااااااااات ؟!
ومن عند أحمد أمين ؟
ليه مفيش البارون !!

وبعدين ازاي يا خفيف الظل توجه كلام لضيفنا بالشكل ده
إحمد ربنا ان عبقرينو مش هنا كان اهداك تجربة كيميائية مفرقعة

وايه خفة الدم دي كلها يا ابني ده انت كارثة
وداخل شمال .. يا فراشتي وغرقت في حبك
وكنتاااااكي
كنتاكي ؟!! ده مقاطعة

شوف يا ابني ومن الآخر عشان ما نضيعش وقتك ووقتنا
انت شغال على تردد مختلف خاااااااااااالص عن ترددنا
فشوف حد شغال على نفس الموجة
وربنا يوفقك ويكرمك


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الورده البيضا
عضو مميز
عضو مميز
avatar

تاريخ التسجيل : 15/03/2011
عدد المساهمات : 270
الجنس : انثى
التقييم : 1
العمر : 34
الأوسمة : :

مُساهمةموضوع: رد: ماما يا امى يا ماماتى    الخميس مايو 05, 2011 1:24 pm

إزيكم يا جماعه لأ استنو متقفلوش الباب ف وشى
هقولكم حاجه مهمه اسمعونى من فضلكم

أنا بكلمكم دلوقتى بصفتى الورده البيضا مش سعيد مسعد
وعلى فكره شخصية سعيد دى من الشخصيات ال بتستفزنى جدا
وللأسف هى موجوده فى مجتمعنا
وبما إنها استفزتكم انتم كمان يبقى أنا الحمد لله قدرت اوصلهالكم
بالصورة ال تستحقها

من أكتر النماذج كمان ال بتضايقنى من الناس نموذج الشخص
ال معاه فلوس كتيير لكنه أمى ومش عارف حاجه بس فاتح شركه او مصنع
ومشغل عنده ناس متعلمين ممكن يكونو مهندسين أو دكاترة جامعه حتى
وتلاقيه عامل عليهم ريس وبيفهم وبيزل فيهم بقى بطريقه مهينه
وهم مضطرين يقبلو بالوضع دا عشان الفلوس وعشان يقدرو يفتحو بيوت ويصرفو على عيالهم

المهم شخصية سعيد دى موجوده فى تلبانه لكن للأسف تعامل الناس معاها
مبيكونش أبدا زى الطريقه ال عاملتوها بيها بالعكس
بيقدروه جدا وبيفتحوله بيوتهم ويدوله بناتهم ودا ال لازم يتغير ان شاء الله
ماحنا فى حالة ثورة على كل الأفكار العقيمه والمتخلفه

بس ماشاء الله يافراشتنا أثبتى فعلا ان تلبانه فيها بنات عاقلين مميزين
ربنا يكرمك ان شاء الله وتتجوزى انسان يستاهلك لان الطيبون للطيبات
واوعى تزعلى منى مقصدتش اضايقك والله سامحينى بقى

وانتى يام هدوء ياريت كل الامهات زيك وياريت كل الإخوات زى هدوء وعبقرينو
إنتم فعلا نموذج للعيله المثاليه

يا أستاذ عادل متفهمنيش غلط انا كمان مبحبش سعيد زيك بالظبط
وشخصيته بعيده جدا عنى لانى انا كمان من الفئه ال تعبو واتعلمو
وللأسف مخدوش فرصتهم

وسعيده فعلا بكلام حضرتك المثقف الواعى والراقى كمان لكن شىء
طبيعى ان الكلام دا ميعجبش شخصية زى شخصية سعيد لانه قدامهم بيحس بجهله
وبيحس بالنقص قدامهم وبيحاول يعوض النقص دا بالتباهى بفلوسه

على فكره ياجماعه انا قطعت لسعيد تذكرة ذهاب لايطاليا لكن بدون عوده
مش عاوزين نشوفه ف تلبانه تانى
بس بردو مش هنظلم كل ال فى ايطاليا أكيد فيهم ناس كويسين

وإلى الامام يا تلبانه ان شاء الله
سامحونى ياجماعه لو ضايقتكم لانى فعلا مقصدتش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام يوسف
مشرف قسم فكر و رأى
مشرف قسم فكر و رأى
avatar

الموقع فى الدنيا
تاريخ التسجيل : 07/03/2011
عدد المساهمات : 820
الجنس : انثى
التقييم : 8
العمر : 32
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 3:15 am

الورده البيضا كتب:
=red
بس بردو مش هنظلم كل ال فى ايطاليا أكيد فيهم ناس كويسين


[color=red]ااااااااااااااااه كدا ظبطى اصل كنت هزعل منك والله خالص مالص

واعمل معاكى مقاطعه هههههههههه




وإلى الامام يا تلبانه ان شاء الله

ثوووووووووورة المره دى بقى من بتاعة القذافى


سامحونى ياجماعه لو ضايقتكم لانى فعلا مقصدتش

بالعكس انتى عشتى الدور كويس جدا وقلتى اللى المفروض يتقال

بس على فكره مش ايطاليا وشبابها بس هما اللى بيعملوا كدا

كتير والله .

بس خلاص مش هنشوف كدا تانى لان ايطاليا اختلفت كتير عن 5 سنين فاتوا

الحمد لله لحقت لى يومين قبل مايطردونا ههههههههه



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ديموقراطية
وسام االإشراف
وسام االإشراف
avatar

الموقع مش هتفرق
تاريخ التسجيل : 07/03/2011
عدد المساهمات : 2228
الجنس : انثى
التقييم : 12
العمر : 38
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 6:18 am

يا خساااااااااااااارة
ازاي تسفري أبو السعد
والله كان عامل جو
طيب ماسابش الحلويات والا تأشيرة الحج قبل مايمشي ؟!

خلاص طالما سفرتيه شوفيلنا شخصية تانية بقى
عايزين نكمل ال30 حلقة
عشان الموزع يشتري
وممكن ترجعي ابو السعد تاني
قوليله بلاها الفراشة خد الحكيمة !!

بجد استمتعت بمشاركاتك جدا "الوردة البيضا" وكنت بضحك عليها كتييييييييييير
لأنها فيها فكرة وكمان خفيفة الظل ومتقنة لأبعد حد


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لقاءالاحبة
مشرف قسم افتح قلبك
مشرف قسم افتح قلبك
avatar

تاريخ التسجيل : 07/03/2011
عدد المساهمات : 2697
التقييم : 16
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 6:39 am



ارتاحتم وطفشتم العريس !
كنتو سبوه كانت فراشة هتظبطوا وتقوم اخلاقه وسلوكه وتحطه علي الطريق الصح
اتسرعتم وضيعتي يامامتي العمروة والحج ويكمكن كان ينوبني من الحب جانب واجي معاكي في شنطة السفر
وبتتأمري علي الحلويات وفين البارون .. ماله يعني احمد امين ولا عشان منافس ؟!
اهو كله راح وخلينا قاعدين جنبك بقي هو صحيح كان اسلوبه مستفز ابو السعودا دا بس دمه خفيف والله
ونظرة ضعيف لانه مش شايفني خالص طول النهار فراشني .. فراشتي مفيش اخت فراشتي (حكيمة )؟؟
متغيروا اسمي ياماما اصل كل ما افتكره احس اني بدي حقن!
عموما خير بكره يجي احسن منه
في موضوع تاني ياماما مهم جدا في جماعة علي الفيس بوك عاملين مظاهرات يوم التلات في ميدان التحرير
وانا لازم اروح ومتمنعنيش ومتخافيش عليه دا مجرد اعتصام بس يعني مفيش اي عنف
هاروح ... صح ؟؟
شكرا ياماما...............
فين الغدا ؟؟؟


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ديموقراطية
وسام االإشراف
وسام االإشراف
avatar

الموقع مش هتفرق
تاريخ التسجيل : 07/03/2011
عدد المساهمات : 2228
الجنس : انثى
التقييم : 12
العمر : 38
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 6:53 am

غدا أيه بقى
انتي مش معتصمة
قضيها اعتصام من دلوقتي واتوكلي على الله ع التحرير
أهو توفري أكلك .. والا تكونيش راحة الميدان تجيبي كنتااااااااكي ؟!

والاعتصام عاملينه عشان ايه المرة دي يا حكيمة الابر .. قصدي حكيمة الزمان
اوعي يكون عشان ابو السعد ؟!!


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لقاءالاحبة
مشرف قسم افتح قلبك
مشرف قسم افتح قلبك
avatar

تاريخ التسجيل : 07/03/2011
عدد المساهمات : 2697
التقييم : 16
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 7:35 am



لا ياماما فهمتي غلط الاعتصام ملوش علاقه بالاكل خالص
يعني لازم اتغدي وياريت لو صنيه مكرونه بالبيشاميل ويبقي كتر خيرك والله ياماما

بصي بقي ياامي يا حبيبتي انا هفهمك
في جماعات علي الفيس بوك منها شباب الاخوان المسلمين وشباب حركه كفايه بتوع كفايه بقي ارحمنا
وشباب موقع كلنا خالد سعيد اللي عملوه شويه شباب وطبعا واضح من اسمه انهم معترضين علي اللي حصل لخالد سعيد
اكيد انتي فاكره ياماما اللي حصله من رجال الشرطة وغيره كتير من الشباب
المهم المجموعات دي عاملين اعتصام يوم التلات اللي هو هيوافق ياماما ياحبيبتي عيد الشرطة
وعاملينه ليه بقي ياماما عشان معترضين علي الاوضاع اللي في البلد وطبعا كلها اوضاع سيئه
سواء بقي الاجتماعية او الاقتصاديه او المعيشية اهي البلد كلها حالتها لا تسر عدو ولا حبيبب
وربنا يسامحه بقي ريسنا حسني مبارك قال احنا مستحملينه بالعفيه
وكل شويه نقول خلاص هانت كلها سنتين ولا حاجه ويفارق الحياة لا مش هاين عليه يسنا كده من غير ريس
عاوز يدبسنا في جيمي اصلها تكيه يامامتي وبيوزعها علي ولاده
ادعلنا بقي ياماما ربنا يوفقنا وتطلع بنتيجه المرة دي ويحصل اي حاجه اي تغيير
ايه ياماما مستهلش الغدا بقي ولا ايه ؟؟؟


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ديموقراطية
وسام االإشراف
وسام االإشراف
avatar

الموقع مش هتفرق
تاريخ التسجيل : 07/03/2011
عدد المساهمات : 2228
الجنس : انثى
التقييم : 12
العمر : 38
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 7:49 am

هو انتي يا حكيمة نمتي يومين والا 3 شهور يا بنتي
يا بنتي الثورة قامت من زمان وخلصنا خلاص

والرئيس بقى مخلوع وجيمي بقى الرئيس بس في طرة
صحصحي يا حكيمة شوية وفوقي

وياللا روحي ع الميدان وطالبي بإسقاط اي حاجة
ان شالله أنا
اهو ما تتحرميش من اجواء الثورة !!


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لقاءالاحبة
مشرف قسم افتح قلبك
مشرف قسم افتح قلبك
avatar

تاريخ التسجيل : 07/03/2011
عدد المساهمات : 2697
التقييم : 16
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 8:08 am


بقي الثورة قامت وخلصت وخلاص ؟!
لا اله الا الله داانا كنت ناويه اروح
كده تسبيني نايمه ياماما محضرش الثورة
Sad Sad Sad Sad


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لؤلؤة فى الجنة
عروسة المنتدى
عروسة المنتدى
avatar

الموقع أجا( بيتى فى سجدتى )
تاريخ التسجيل : 07/03/2011
عدد المساهمات : 963
الجنس : انثى
التقييم : 6
العمر : 27
الأوسمة : :

مُساهمةموضوع: رد: ماما يا امى يا ماماتى    الجمعة مايو 06, 2011 10:31 am

هههههههه

السلام عليكم

أخت الوردة البيضا ... أعزكى الله يارب .. تسلمى حبيبتى .. وخالص والله انا موش زعلانة خالص خالص
بالعكس انا سعدت جدا بمناقشة موضوع حيوى زى دا
وربنا يارب يسعد كل المسلمين ويستر بنات المسلمين ويعز شباب المسلمين
وعلى فكرة حضرتك ... أنا موش من تلبانة .. هههههههه
وكان يشرفنى بصدق إنى أكون من تلبانة
بس قدر الله وماشاء فعل ... هههه ... انا لست تلبانية بالمرة سيدتى
وعلى فكرة موش اتعرضت خالص لموضوع زى ده
أى نعم يعنى موضوع فيه شبه كبير من ده بس موش كان بيسافر بقى
عموما خيرا
وأعزكى الله يارب على كلام حضرتك الطيب
وبشخصية استاذ مسعد او بشخصية أخت الوردة البيضا.. فأنا بأحترم حضرتك جدا وأقدرك فى جميع الحالاات
لكى ودى وحبى وتقديرى
أحبكى فى الله حبيبتى



اللهم اجعلني آية من آيات هذا الدين ..
واجعلني روميساء آخرى في صبرها وعلو همتها ..
واجعلني عائشة آخرى في حفظها لهذا الدين والعمل به ..
واجعلني نسيبة بنت كعب آخرى في شجاعتها وزودها عن الدين ..
واجعلني مثل فاطمة ليكون زوجي مثل علي ..
اللهم آمين





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل رمضان
عضو مميز
عضو مميز


الموقع تلبانة
تاريخ التسجيل : 26/04/2011
عدد المساهمات : 89
الجنس : ذكر
التقييم : 0
العمر : 29

مُساهمةموضوع: رد: ماما يا امى يا ماماتى    السبت مايو 07, 2011 7:23 am

السلام عليكم ورحمة الله وبركاته
اختى فى الله (الورده البيضاء)
بعد التحيه
اولا احب ان اشكرك على ادائك الرائع ان لم يكن الاروع على الاطلاق بجد انتى اديتى الدور على اجمل وجه والنهايه كانت جميله حيث اعتبرت ان هذا الاخ سافر بعد ان يئس انه لامفر وانه يجب ان يغير من اسلوبه وده درس بجد اتعلمناه كلنا وياريت متكونيش زعلانه من رد فعلى بجد الشخصيه ضيقتنى جدا واستفزتنى الى كثير من الحدود
اتمنى من الاخوة الذين شاركوا فى هذا الدور الا يكونوا زعلنين منى اومتضايقين
وبجد بهنيكى مرارا وتكرارا على هذا الدور الرائع
اخوكم / عادل رمضان
- التوقيع-
نحن نسير على درب الحب **** وفى الطريق نلتقى مجددا
وشكرا للجميع مرة اخرى على الاداء الجماعى الرائع
والسلام عليكم ورحمة الله وبركاته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هدوء العاصفة
مشرف قسم ارشيف ثورتنا
مشرف قسم ارشيف ثورتنا
avatar

تاريخ التسجيل : 07/03/2011
عدد المساهمات : 1757
الجنس : ذكر
التقييم : 12
العمر : 32

مُساهمةموضوع: رد: ماما يا امى يا ماماتى    السبت مايو 07, 2011 7:53 am

وردتنا البيضا لقد استفز دورك الغير المتوقع الجميع

وهذا معناه أنك مبدعة جداااا ومتقنه الدور بشكل رااائع

ومميزا ننحى جميعا لهذا الأداء الرائع

زى حضرتك زى عادل أدهم وتوفيق الدقن الشرير خفيف الظل

أه صلاة النبى أحسن ... أه

وبعدين مش اتفقنا ندخل سعيد المعمل أختبره فى المعمل


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مصعب الخير
مشرف قسم انتخابات مصر الثورة
مشرف قسم انتخابات مصر الثورة
avatar

تاريخ التسجيل : 07/03/2011
عدد المساهمات : 3089
الجنس : ذكر
التقييم : 12
العمر : 30
الأوسمة : :

مُساهمةموضوع: رد: ماما يا امى يا ماماتى    السبت مايو 07, 2011 8:12 am

يبقي كدا عرفنا سعيد هرب ليه
ندعيله بقي أحسن ان ربنا نجاة من المعمل


ان عز اخاك فهن


من خان حى على الفلاح خان حى على الجهاد




الأمة التي تفرط في الفجر في جماعة أمة لاتستحق القيام بل تستحق الأستبدال وعلى الجانب الأخر الأمة التي تحرص على صلاة الفجر في جماعة أمة اقترب ميعاد تمكينها في الأرض د/ راغب السرجاني



حماس يانور العين

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سليمان
مشرف الركن الأدبى
مشرف الركن الأدبى


تاريخ التسجيل : 07/03/2011
عدد المساهمات : 1251
التقييم : 25
الأوسمة : :

مُساهمةموضوع: رد: ماما يا امى يا ماماتى    الأحد مايو 08, 2011 2:31 am

يبدوا ان الكثير فاتني ...
جميل جدا بس يا ترى هل له علاقة بغياب الفراشة ...؟؟


التـــــوقيـــــــــــــــــــع
سُـبـحـانَـكَ الـلَهُمَّ خَير مُعَلِّمٍ 000 عَـلَّـمـتَ بِـالقَلَمِ القُرونَ الأولى أَخـرَجـتَ هَذا العَقلَ مِن ظُلُماتِهِ 000 وَهَـدَيـتَـهُ الـنـورَ المُبينَ سَبيلا أَرسَـلـتَ بِالتَوراةِ موسى مُرشِداً 000 وَاِبـنَ الـبَـتـولِ فَـعَلَّمَ الإِنجيلا وَفَـجَـرتَ يَـنبوعَ البَيانِ مُحَمَّداً 000 فَـسَـقـى الحَديثَ وَناوَلَ التَنزيلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مصعب الخير
مشرف قسم انتخابات مصر الثورة
مشرف قسم انتخابات مصر الثورة
avatar

تاريخ التسجيل : 07/03/2011
عدد المساهمات : 3089
الجنس : ذكر
التقييم : 12
العمر : 30
الأوسمة : :

مُساهمةموضوع: رد: ماما يا امى يا ماماتى    الأحد مايو 08, 2011 2:47 am

يعني ابو السعد السبب والا ايه
ماظنش اكيد مشغوله في امتحانات والا حاجه
وهترجع ان شاء الله
وممكن الاخوات الي يعرفوها يكلموها ويطمنوا عليها


ان عز اخاك فهن


من خان حى على الفلاح خان حى على الجهاد




الأمة التي تفرط في الفجر في جماعة أمة لاتستحق القيام بل تستحق الأستبدال وعلى الجانب الأخر الأمة التي تحرص على صلاة الفجر في جماعة أمة اقترب ميعاد تمكينها في الأرض د/ راغب السرجاني



حماس يانور العين

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الورده البيضا
عضو مميز
عضو مميز
avatar

تاريخ التسجيل : 15/03/2011
عدد المساهمات : 270
الجنس : انثى
التقييم : 1
العمر : 34
الأوسمة : :

مُساهمةموضوع: رد: ماما يا امى يا ماماتى    الأحد مايو 08, 2011 4:23 am

السلام عليكم جميعا

فى البدايه أشكركم جميعا على اهتمامكم وثنائكم


ولكنى مصدومه بصراحه هل فعلا هذا الموضوع
هو السبب فى قرار الفراشة بالرحيل
إن كان هو حقا السبب فلن اسامح نفسى مطلقا

ولكنها ذكرت فى تعليقها بانها ليست غاضبه من الموضوع

لذا فلا أعتقد ولا أريد أن أعتقد انها غضبت من تعليقاتى

ربما كانت مشكله عائليه او شخصيه أو دراسيه
فلو فرضنا جدلا غضبها من الموضوع لقاطعت الموضوع فقط
أو لاكتفت بمقاطعتى

ولكن قرار الرحيل المفاجىء اعتقد أن له أسباب أخرى

أتمنى من فراشتنا تطمئننا ولو بكلمة قبل الرحيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هدوء العاصفة
مشرف قسم ارشيف ثورتنا
مشرف قسم ارشيف ثورتنا
avatar

تاريخ التسجيل : 07/03/2011
عدد المساهمات : 1757
الجنس : ذكر
التقييم : 12
العمر : 32

مُساهمةموضوع: رد: ماما يا امى يا ماماتى    الأحد مايو 08, 2011 7:45 am

يا جماعة لؤلؤة مخها أكبر من كدا بكتير وهى أكيد مش مذاكرة

كويسة والامتحانات قربت وانتوا عارفين لؤلؤه .... أنا هقولكم

إن شاء الله بأمر الله ستعود بالسلامة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماما يا امى يا ماماتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
telbana4all :: نورتونـــا-
انتقل الى: